|    
11月16日去迪士尼參加osim三項鐵人比賽，當日d海水又凍又大浪又多垃圾，游水途中又俾水母炸到。轉項踩單車，可能工作人員攪錯cut off時間，攪到俾人罰左25min。最後，都俾我完成到人生第一次既三項鐵人。hee~hee~ 11月24日去左interview police，可惜衰唔夠高，雖然有d唔開心，不過我會放棄架!!謝謝偉明既順風車。  
今年第一次參加樂善行，可能好耐無參加行山比賽，起步多人到好嚇人。起步時，我就跟住teddy同gary一齊跑。之後，去到蚺蛇尖攀爬位，好似一大班係度集體攀岩咁。接住去到米粉頂，我不斷聽到身邊d人發出「炒栗子既聲」。
東灣山我遇到case，我眼前有女跑手冼腳，滕蓋撞落尖銳既石上面。我就急急攞紙巾叫佢壓住傷口，之後有一位參加者照顧傷者，我就急急腳跑落山，一面跑一面大叫「有人受傷呀!流好多血!」大家幫手叫落去啦!!2分鐘後，我就見到大會既支援隊，我好快講左傷者既位置，就繼續比賽。為左釋放肌肉既乳酸，四灣盡量以慢速步行，完左四灣再過埋吹風坳，去西灣路就開始慢步跑返終點。順利完成!!
12月16 日我有份編輯同拍攝既新濠「傷健自助遊」終於出版喇!! 版次:2008年10月 印數:1000本 ISBN 9789628692477 |
| |
| 毅進終於完成了，9月中收到信獲獎消息，有兩科獲得優異成績同埋服務獎，收到呢封信真係好開心。9月尾至10月中，忙blue cross繪畫比賽收畫同評審工作，接住好急咁要出新濠書稿，一日內去左3個景點補番d出書相，工作忙到無得停。  
 
今年我再次協助統籌10月11-12日雷利衛徑長征比賽工作，同上年一樣參與大會支援小隊工作，好好彩有teddy同一大班朋友仔上山協助，果晚咩住重野上屏風山、又要捱凍、落山又要打電報、辛苦大家喇!!我同teddy正準備野外歷奇成立一支攀山支援小隊，希望可以用自己認知既技術，幫到有需要既人。  
10月10-11日同豬小姐去左迪士尼慶祝生日，又好玩又開心!! 
經過整年參加不同既距離鐵人比賽，終於等到一年一度既大賽。11月16日小弟會參加OSIM 2008香港ITU三項鐵人亞洲盃，今次會參加奧運距離(1.5km swim、40km bike、10km run)，呢次比賽會係迪士尼內舉行，所以應該幾特別，呢3個星期我要加緊訓練。 
10月我終於決定遞form in police ，體能我唔太擔心。小弟宜家身高岩岩163cm，宜家最擔心高度問題，希望呢兩個月可以有突破喇!! 呢數月工作同活動都好多，雖然休息時間少左，但生活得很實在。謝謝豬小姐體諒同溫暖既支援!!愛死你!!hee~hee~ |
| |
| 7月28日正式開始返新工，返工地點係鰂魚涌，今次既工作主要負責協助金濠同埋blue cross project。謝謝wendy介紹呢份工作俾我!! 8月1日(五)請左半日假返去大角咀攞成績表，約左幾個同學仔一齊返去。擔心左幾個月既成績終於等到喇!!返到課室，係由Miss親自派成績表俾我地。聽完5個case之後，終於開始派成績表喇!!輪到我既時候，Miss 目無表情說:「阿平.....................係合格既」。真係俾佢嚇死我，不過真係好開心。好多謝豬小姐，上年鼓勵我去讀毅進，愛死豬小姐。 完成左毅進，9月再向目標進發。 成績如下: 中文 B 英文一 C 英文二 C 活用數學 D 資訊科技應用 B 普通話 B 人際傳意 A 選修科: 消閒及康樂管理 B 康樂設施及管理實務 A 康樂活動規劃與推廣 A  
2001-2002年間我開始接觸山藝訓練，亦認識到我的山上的師傅''阿龍''。2005年他離開了我們，他一直有一個願望，希望在新疆天山搵返失去多年既好友遺體。近日收到和仔電話，志偉既遺體已經搵返，我同和仔都一同覺得是上天的一個安排，盼能彼此安息，傲存天國。
|
| |
| 豬小姐你唔好話我呀~hee!!hee!! 感謝你這一年全力支援我，令我感受到無窮無盡既小宇宙，這年辛苦你了。  
不經不覺已經完成左8個月既毅進課程，好享受全職讀書既過程。另外，認識左呢班0721既同學，真係開心。不過有少少擔心自己既成績，希望可以順利過渡喇!!今個星期三準備去北角interview，希望ok喇!! 媽媽呢排隻腳傷舊患困擾，應該即將宣佈掛靴，我已經準備好熱身出場頂替。上星期我部canon 400d 俾阿樂攞走左個'' 零''，宜家部相機變成左canon 40d喇!!呢排經常需要接job，宜家戰鬥力提升左好多，一直影響我作戰既問題，已經得到解決。另外，岩岩學識左魔閃光(飛燈拍攝技術)，8月應該會好好利用一下。 
我隻貓貓mimi (canon 40D 用左魔閃光既相片)  <---已用左10年既單車(一年前)
 <------現役戰車約24磅左右(一年後)
呢排搵番一年前部單車既相比較一下，我部戰車參加左''變靚d療程''已經瘦身成功喇，備戰09年海口舉行 ironman 70.3 三項鐵人比賽。點解呢排要操得咁fit? 為今年九月既保安工作interview 做好準備嘛。  WHAT IS IRONMAN? http://ironman.com/ |
| |
|
 5.12 四川汶川大地震，發生於2008年5月12日14時28分04秒。初震央位於四川省省會成都西北約80公里的阿壩藏族羌族自治州汶川縣境內，亦是中國建國以來最嚴重的一次地震，地震強度達到8級。截至6月6日12時，中國汶川大地震已造成69,130人遇難，374,031人受傷，17,824人失蹤。這數個星期不段收不同有關災區的消息，看到一段段悲慘而偉大的故事、看到災民面上的表情、地震破壞後的片段、解放軍日以繼夜的救援。為地震中一個又一個無名英雄!!致敬。 祝願四川盡快得到重生，希望地震中失去生命的人得到安息。支持四川、四川加油!!
5月24日(六)我去左旺角接豬小姐，果日收到一份超級驚喜既禮物，好開心!!愛死豬小姐~~之後，同豬小姐去左風月堂食甜品。hee!!hee!!
  
5月31日我去左幫豬小姐中心所舉辦既『共大使融嘉年華』做大會攝影師，當日最難忘環節係結他伴奏合唱，真係好感人又好聽。
上星期係二手單車網上買左支fox前叉，交收當日好大雨仲要去到屯門黃金海岸交收，不過半價買到支fox f80 rc真係好好彩。之後，去左大圍換左個shimano xt中空餅同xt制手，我部戰車又增強左戰鬥力喇!!
 
6月6日豬小姐放假，我地同阿蚊去左三門仔扒蜆。去到海鮮島扒左好多蜆，今次收穫有成個筒仔咁多。之後，媽咪整左好多泰式風味既小菜，有冬陰公湯、泰式辣肉碎、泰式炒蜆，果日bibi仲上埋黎玩tim...好開心!!
 
6月7日(五)今日係毅進最後一個課堂，唔經唔覺就黎完成毅進，真係快到你唔信。由於琴日收穫太豐富，我就叫左幾個同學仔上黎我屋企開大餐。是日精選: 豉椒炒蜆、白菜炒牛肉、白菜豬肉湯餃子、蜜糖鴨。由於媽咪肚痛所以要幫手倒垃圾，好多謝michael既支援!!倒完垃圾後，係屋企玩牌話事啤....最後一局我竟然有4條煙...真係賭神上身!!果日真係玩得好開心~ |
| |
